Neri buruz

Nextor naiz, baina arte munduan Nexgraff bezala ezagutzen naute. Izen hau nire sinadura baino gehiago da; Aitor nire aitarekin dudan erlazio sortzailearen sinboloa da. Bera, gaztaroan Londresen pintatzen aritu zen eta artearekiko maitasuna, txikitatik irakatsi zidan. Gure elkarlana, Nexgraff taldearen izenpean, garatu izan dugu.

Artean nire lehenengo urratsak grafitiaren bidez izan ziren, adierazpen forma bat izatetik, tamaina handiko muralak sortzera eboluzionatu zuen. Horma-irudietan egindako lanak oso pertsonalak dira; haien bidez, migrazioa, globalizazioa, eta gure sustraiak eta kultura lokalak gogoratzearen garrantzia bezalako gai globalak aztertzen ditut.

Gaur egun, Bilbon Arte Ederretan ikasten ari naiz, nire ikuspegi artistikoa aberasten eta nire lanari sakontasuna gehitzen ari den esperientzia bat dela uste dut. Oraindik ikasketa fasean jarraitzen dudan arren, aukera izan dut espazio publikoetan horma-irudi batzuk margotzeko, honela hiriei optimismoa eta gizarte kontzientzia mezuak eramanez. Nire lanak Euskal Herrian, Frantzian eta Alemanian topatu daitezke, ikuslea hausnarketara bultzatuz eta artea elkarrizketa eta aldaketa bideratzeko tresna gisa erabili daitekela erakutsiz.

Azken urteetan, nire lanak aitortza batzuk jaso ditu, ustekabekoak batzuetan. 2022an, nire horma-irudi bat munduko ehun onenen artean aukeratu zuten Street Art Cities-en eskutik, hamargarren tokian kokatuz. Hurrengo urtean, nire bi pieza 50 onenen artean hautatu zituzten, 14. eta 21. lekuak lortuz. Lorpen hauek ohore handia dira niretzat, baina, era berean, arteak kultur desberdinetako jendearekin konektatzeko duen indarra gogorarazten didate.

Etengabe, proiektu eta erronka berriak bilatzen ari naiz. Ideia edo espazio bat baduzu eta pentsatzen baduzu artearen bidez eraldatu daitekeela, idatzi iezadazu nexgraff@gmail.com helbidera. Arteari abentura kolektibo gisa begiratzen diot eta proiektu berrietan lan egiteko irrikan nago, muralen bidez istorio berriak kontatzeko. Nexgraff banderapean, nire aita eta biok artearen eragin eraldatzailea esploratzen jarraitzen dugu, komunitatearen gaiak jorratzera eta hausnartzera animatuz.

Etengabe neure burua gainditzearen erronkari eutsi egiten diot. Material eta teknika berriekin esperimentatzen saiatzen naiz , mural bakoitza ikusgarria izateaz gain, ikuslearen ausnarketa bultzatuz. Nire helburua ikusleengan inpresio iraunkorra uztea da, nire artearen bidez aztertzen ditudan gaien ondorioz ikuspegi zabalagoak kontuan hartzera gonbidatuz.